Like etter kl 15 i dag gjekk brannalarmen i Eikefjord. Ein kar kom innom verkstedet til Havn og ga beskjed om at det rauk i eit uthus på Sørbøen. Brannvesenet konstaterte fort at det var brann og slo alarm.
Først konsentrerte Brannvesenet seg om å sløkke brannen i graset rundt uthuset. Det brann godt i det tørre graset og spredning til andre hus i nærleiken var stor. To brannmenn benytta pisker til å holde brannen i sjakk til vatn var oppkobla. Når grasbrannen var under kontroll gjekk dei over til å sløkke branne i uthuset.
Uthuset var eit av dei gamle husa på Sørbøen som no gjekk tapt. Dette var stabburet til vertshuset som låg her i eldre dager. Ein kan sjå restane av dei lafta veggane som er brannskada.
Det brann godt i graset ovanfor Stabburet.
Politi og brannvesen var på plass. Etter ein halvtime hadde brannvesenet kontroll. Det var ikkje fare for spredning mot gamle bakeriet, kirka eller løa som står litt lengre oppe i bakken.
