26. juni arrangerer Grendalaget rotur etter modell av den svært vellukka turen i 2005 som gjekk til Florø. Denne gangen er målet forskjellige plassar i Høydalsfjorden, med første kveld i Litle-Høydal der også Veikingkonvoien har samling. Turen startar på same plass som sist helt inst i fjorden ved flytebrygga. Første etappe går ut i Grønevika der det blir ein kvil før ein rør ut i Sagevika på Nyttingnes og styrker seg på fiskesuppe. Siste etappe for dagen går så inn til Litle-Høydal.
Lørdagen startar med felles frukost og så går turen til Ausevika og den ofisielle opninga av Ausevikfeltet. Deretter går turen til Svanøy der det er invitert til fest med dans på rutebåtkaia.
Alle er invitert til å være med på turen, men Per Øyvind i Grendalaget vil gjerne ha beskjed slik at han kan beregne kor mykje fiskesuppe han skal koke.
Les også Firdaposten torsdag
